#Кыскача яңалыклар 09 гыйнвар 2020, 16:46

Абый-апасыннан аермаска: Татарстанда баланы мәктәпкә теркәлү урыныннан тыш та биреп булачак

09 гыйнвар 2020, 16:46

Гаилә кодексына һәм «Мәгариф турында»гы федераль законга кертелгән төзәтмәләр нәтиҗәсендә, быел ата-аналарга балаларын мәктәпкә теркәлү урыныннан тыш та бирү мөмкин булачак. Бу хакта ТР Мәгариф һәм фән министрлыгының матбугат хезмәте хәбәр итә.

Скопировать ссылку

«Абый-апалары кайсы белем бирү учреждениесендә укыса, аларның туганнары да шул мәктәптә белем алу яки балалар бакчасына йөрү хокукына ия булачак. Бу бергә яши торган бер гаилә балаларына кагылачак», - диелә министрлык хәбәрендә.

Бары тик буш урыннар булмаган очракта, мәктәп баланы кабул итүдән баш тарта ала.

Гомуми белем бирү оешмаларында балаларны беренче сыйныфка язу февраль аенда башлана. Кайбер мәктәпләр гаризаларны электрон рәвештә кабул итәчәк.

Россия Президенты Владимир Путин узган елда бертуганнарны бер үк балалар бакчасына һәм мәктәпкә бирү турындагы законны имзалады. Татарстан Дәүләт Советы Рәисе Фәрит Мөхәммәтшин әлеге федераль законны хуплады.

Кызыклы яңалыкларны күзәтеп бару өчен Т елеграмга кушылыгыз.

#мәктәп