“Ак Барс” Гагарин кубогында дүртенче тапкыр “Нефтехимик” командасын отты

Бүген “Ак Барс” хоккейчылары Гагарин кубогы Көнчыгыш конференция чирекфиналында Түбән Камада “Нефтехимик” командасыннан өстен чыкты. Уен язмышын Станислав Галиев керткән бердәнбер алка хәл итте – 1:0.

Шулай итеп, серия “Ак Барс” файдасына "коры" исәп белән төгәлләнде – 4:0 (4:1, 5:1, 2:1 ОТ, 1:0). Дмитрий Квартальнов шәкертләре Көнчыгыш конференциядә беренчеләрдән булып ярымфиналга узды һәм чираттагы көндәшен көтә.