#Кыскача яңалыклар 19 ноябрь 2021, 08:50

Акылга сыймаслык гамәлләре белән танылган Агина Алтынбаева психик хастаханәдә

19 ноябрь 2021, 08:50

Чаллыда яшәүче күп балалы әни Агина Алтынбаева әйтүенчә, аны психиатрия шифаханәсеннән куып чыгарганнар, анда ул экспертиза узарга тиеш булган.

Скопировать ссылку

Агина сүзләренчә, клиниканың баш табибы аның документлары тәртиптә түгел һәм хәтта ялган булулары бар дип тә белдергән. Агина Чаллыда яшүче дусты Рәмзил Галимҗанов янына кайта, ләкин хатынны яңадан тоткарлыйлар һәм кире Казанга озаталар.

«Бүген мин өйгә Чаллыга кайтып киттем. Мине психик шифаханәдә Чаллыда бирелгән документларның дөрес төзелмәве аркасында кабул итмәделәр. Мине Рәмзил офисында табып, тагын алып киттеләр, Казанга шунда ук җибәрделәр ", - дип яза ул үзенең "ВКонтакте" битендә.
Шулай ук ул аның сигез яшьлек улы Паша югалганын раслый. "Мин Пашаның кайдалыгын белмим. Алар минем улымны таба алмыйлар. Аңлыйсызмы? Алар минем баламны эзлиләр. Мин моның белән берни дә эшли алмыйм ", - дип хәбәр иткән Агина.

Исегезгә төшерәбез, Агинаны психиатрия шифаханәсенә экспертизага шәһәр суды карары буенча җибәргәннәр. Күп балалы ана бу карарны кире каккан, әмма Татарстан Югары суды Алтынбаеваны психбольницага салырга рөхсәт иткән.

Шунысын да билгеләп үтәргә кирәк, Алтынбаеваны "Яла ягу" һәм "Үтерү белән янау", шулай ук "Чит милеккә аңлы рәвештә зыян китерү" маддәләре буенча берничә җинаять эше кузгатылган, алар бердәм производствога берләштерелгән.

Исегезгә төшерәбез, көз көне Алтынбаева берьюлы берничә җәнҗал үзәгендә булды: ул Түбән Кама сәүдә үзәкләренең берсенә барып тавыш чыгарды, шулай ук кибетләр янында хәер сорашып торды. Аңа карата барлыгы тугыз җинаять эше кузгатылган.

Кызыклы яңалыкларны күзәтеп бару өчен безнең МАХ каналына кушылыгыз.