«Акыллы шәһәр» нинди була?

Бу хакта "Российская газета"га Төзелеш һәм торак-коммуналь хуҗалыгы министры урынбасары Андрей Чибис сөйләде.

Мәсәлән, Сочида, проект кысаларында туристлык сервисларын үстерүгә, шулай ук яңгыр сулары канализациясе өчен акыллы чишелешләргә басым ясалачак. Калуга өлкәсендә - Калугада һәм Обнинскида "цифрлы күпер" төзеләчәк.

"Тула өлкәсенең Новомосковск шәһәрендә шәһәр белән идарә итү системасы кертелде, шул исәптән, теләсә нинди очракта җавап бирү, гражданнар шалтыратуларына да, - дип конкрет мисаллар китерә Чибис. - Ягъни шәһәрнең бердәм диспетчерлыгы бар, аңа мөрәҗәгать иткәндә оператор графа каршындагы “галочка”ны куя.

Әйтик, юл-транспорт һәлакәтләрендә ашыгыч ярдәмгә хәбәр итәргә, коммуналь хезмәтләрне чакыртырга, ашыгыч хезмәтләр өчен шлагбаумнар ачарга, һәм шулай бара. Алга таба система хезмәтләр буенча бурычларны үзе бүлә һәм аларның үтәлешен контрольдә тота, экипажга тиешле якын булган юнәлешкә юнәлергә кирәклеген әйтә".

Әгәр башта бу акыллы технологияләр мегаполислар өчен генә булса, хәзер, Чибис әйтүенчә, кечкенә шәһәрләр өчен дә шактый кызыклы ул. “Өстәвенә, бу карарлар ресурсларны нәтиҗәле сарыф итәргә һәм аларны экономияләргә мөмкинлек бирә - җәмәгать транспортына, электр энергиясен тотуга һәм башкаларга. Ә шәһәр хәерчерәк булган саен, экономия мөһимрәк.

Улан-Удэда, Бурятия башкаласында, кадастрны цифрлаштырдылар - барлык күчемсез милек объектлары электрон базага кертелде. Бу салымнарның җыелуын арттырырга, җир кишәрлекләре белән ниләр булганын контрольдә тотарга мөмкинлек бирә", дип аңлатты Төзелеш һәм торак-коммуналь хуҗалыгы министры урынбасары Андрей Чибис.

 "Татар-информ"