#Кыскача яңалыклар 05 декабрь 2021, 09:41

Алдагы өч ай эчендә Татарстанга ковидка каршы назаль вакцина кайтартылачак

05 декабрь 2021, 09:41

Татарстан Республикасы сәламәтлек саклау министры билгеләп үткәнчә, республикада коронавируска каршы 600 мең доза вакцина бар, шуларның 80%ы - «Спутник V».

Скопировать ссылку

Алдагы өч айда Татарстанга ковидка каршы назаль вакцина (борынга сала торганы) кайтартылачак. Бу хакта Татарстан Республикасы сәламәтлек саклау министры Марат Садыйков журналистлар белән булган очрашуда хәбәр итте.

"3-4 айдан соң әлеге төр вакцина кайтартылырга тиеш", - диде ул.
Министр белдерүенчә, Татарстанда ковидка каршы 600 мең доза вакцина бар, шуларның 80%ы - "Спутник V".

Моңарчы хәбәр иткәнебезчә, Россия Президенты Владимир Путин назаль вакцина белән ревакцинация ясады. Президент сөйләгәнчә, табиб сыеклык урынына шприцка порошок җыйган, тирән итеп сулыш алуын сораган һәм чиратлаштырып борын эченә вакцина керткән. Соңыннан Путин 15 минут утырып торган һәм бу процедура тәмамланган.

Кызыклы яңалыкларны күзәтеп бару өчен безнең МАХ каналына кушылыгыз.

#Ковид, пандемия, коронавирус #Путин, вакцина, ковид