Алексей Песошин Казанда кайчан һәм ничә самолет җыячакларын хәбәр итте

“Мин беренче Президентыбыз Минтимер Шәймиевның, хәзерге Президентыбыз Рөстәм Миңнехановның Казанда авиация берлекләрен саклар өчен күпме көч түккәнен хәтерлим. Тик безне ишетмәделәр, хәзер исә иртәгә самолетлар кирәк, диләр. Шулай да самолетлар җитештерү торгызылачак. Авиация юнәлешен үстерү, инвестицияләү буенча төгәл программа бармы?”, - дигән соравын юллады Песошинга депутат Илшат Әминов.

“Программа әлбәттә бар, әмма аны 2-3 айда гына җиренә җиткереп булмый. Хәзер безнең алда киләсе елга 3 очкыч, аннан 7, 2025-2026 елларда 10 самолет җыярга дигән бурыч куелды. Моны эшләр өчен кооперация чылбырларын булдырырга кирәк. Чөнки федераль программалар нигезендә күп акчалар бирелсә дә, җитештерүдә “ак таплар” бар әле”, - диде Песошин.