Алинә Заһитова белән Евгения Медведева спорттан китә?

Шоу Яңа ел алдыннан Мәскәүдә була ди. Әмма бу әле Алинә спорттан китә дигән сүз түгел. Әлегә ул бернинди ярышларда да катнашырга өлгермәде. Аның өчен яңа сезон ноябрьдә башлана. Франция һәм Япониядә үтәчәк Гран-приның ике этабында катнашачак. Греноблда турнир 1-3 ноябрьдә булыр дип көтелә, анда Алинә белән Россия фигуристлары Алена Косторная һәм Мария Сотскова чыгыш ясаячак, Саппорода ярыш 22-24 ноябрьдә була. Анда Заһитовадан кала Косторная һәм Европа чемпионы Софья Самодурова катнаша.

Евгения Медведева да тик ятмый. Ул продюсер, хореограф, 2002 елгы Олимпиадада икенче урын алган Илья Авербухның боз спектаклендә катнаша. Тамаша декабрь һәм гыйнвар айларында булачак. Евгения «Волшебника страны Оз» спектаклендә Дороти ролен башкарачак. Кызга быелгы сезондагы кыска программасын да Авербух куйган.

Кайбер мәгълүмат чаралары чынлап та Медведева спорттан китеп, театральләштерелгән шоуларда катнашачак дип язып чыкты. Бу сүз аның Авербух шоуында катнашуы билгеле булгач чыкты. Спортчылар да спорт белән шоуларда профессиональ эшне бергә алып барып булмый дигән фикердә тора. Карьера биеклегендә булганда спортчыларның шоу-бизнеска китүе гаҗәп түгел.

Медведеваның шундый тыгыз график белән спортка вакыты калуын күз алдына китерү авыр. Женя шоуда чыгыш ясарга үзенең ризалык бирүе белән спорттан китүен исбатлый, дип яза Versiya.info.