Аллергиклар, сак булыгыз: ковидка каршы вакцина ясату куркыныч булырга мөмкин

Ковидка каршы вакцинация ясатыр алдыннан яки ясатканнан соң ук аллергиядән препаратлар кабул итәргә ярамый дип белдерде Роспотребнадзор.

РИА Новости язганча, антигистамин препаратлар организмның прививкага реакциясен (температура, укол урынында авырту) киметми. Әмма, алар вируска каршы иммунитет формалашуга тискәре йогынты ясарга мөмкин.

«Мондый „медикаментоз“ әзерлек кирәкми. Алай гына да түгел, ул зыян да салырга мөмкин. Күптән түгел уздырылган тикшеренүләр күрсәткәнчә, антигистамин препаратлар кабул итү вакцинациядән соң иммунитет барлыкка килүгә тискәре йогынты ясарга мөмкин», — диелә хәбәрдә.