Ана белән баланы бәрдереп үтергән хатынны сак астыннан азат иткәннәр

«Алдан тыңлау барышында зыян күрүченең үтенечен карап, суд җинаять кылуда гаепләнүче Сорокина Д.А. га карата җинаять эшен туктату турында карар кабул иткән. Гаепләнүче килгән зыянны тулысынча түләгән, гафу үтенгән. Суд шулай ук Сорокинаның саксызлыгы аркасында беренче тапкыр җинаять кылуы; аның уңай характеристикасы, кечкенә баласы булуы, гаепне тулысынча тануы һәм тәүбә итүен дә исәпкә алган», — дип белдергән Киров районы суды матбугат хезмәткәре. 

Фото:ГИБДД по РБ

Гаепләнүчене азат иткәннәр.

Искәртеп узабыз, июльдә чит ил машинасын йөртүче яшь ханым Уфада Софья Перовская урамыннан Аврора урамына борылганда ике җәяүлене бәрдереп китә. Авариядә 29 яшьлек хатын һәм аның 4 яшьлек баласы һәлак була.
Гаепләнүче үз гаебен таныган.

Элегрәк хәбәр ителгәнчә, машина руле артында булган хатын сүзләренчә, ул баласын ашатырга читкә юнәлгән, кешеләрне бәрдереп киткәннән соң машина педальләрен бутап, газга баскан.