#Кыскача яңалыклар 03 августа 2016, 05:53 Уку өчен 2 минут

Апанай мәчете мәхәллә бәйрәменә чакыра

03 августа 2016, 05:53

Уку өчен 2 минут

6 август көнне Апанай мәчете каршында балалар һәм олылар өчен мәхәллә бәйрәме узачак, дип хәбәр итә Татарстан мөселманнары диния нәзарәте сайты. Бәйрәмне нәзарәтнең дәгъват бүлеге, Апанай мәчете, Бөтендөнья татар конгрессының Казан бүлеге, "Иске шәһәр" префектурасы һәм Хәләл индустриясенең Милли ассоциациясе (НАСИХ) оештыра.

Скопировать ссылку

Чара кысаларында балалар өчен төрле уеннар, кызыклы бәйгеләр, ярышлар үткәреләчәк. Танылган җыр-моң осталары мөнәҗәтләр башкарачак, каләм ияләре шигыйрьләр сөйлиячәк. Бәйрәм кысаларында хәләл ризык җитештерүчеләренең ярминкәсе оештырылачак һәм халык һөнәрчелеге осталары мастер-класслар күрсәтәчәк.

Башлана сәгать 13:00дә. Апанай мәчетенең адресы: Казан шәһәре, Каюм Насыйри урамы, 27 нче йорт.

Кызыклы яңалыкларны күзәтеп бару өчен Телеграм-каналга кушылыгыз.

#250