Ашыгыч: Путин яңа мөрәҗәгать әзерли!

Россия Президенты Владимир Путин бүген сәгать 16.00 дән соң халыкка кабат мөрәҗәгать белән чыгачак, дип яза "РИА Новости", Путинның матбугат сәркәтибе Дмитрий Песковка сылтама белән. 

"Хәзер Президент мөрәҗәгать текстын әзерли", - дип белдергән Песков. 

Билгеле булганча, илдә коронавирус инфекциясе таралу куркынычы булганлыктан, ил башлыгы 25 март көнне Россия халкына мөрәҗәгать белән чыккан иде һәм халыкны авырудан саклау, аларга ярдәм күрсәтү өчен чаралар тәкъдим итте.