Балалар омбудсмены Кузнецова Путинга мәктәп ашханәләрендә хокук бозулар турында сөйләде

Башкарылган эшләр турында хисап тотып, Кузнецова мәктәпләрдә туклану турындагы законның үтәлешен тикшерү һәм ачыкланган хокук бозулар турында сөйләде.

Анна Кузнецова, РФ Президенты каршындагы Бала хокуклары буенча вәкаләтле вәкил: «Ике смена булган кайбер мәктәпләрдә төшке аш урынына иртәнге ашны бирәләр. Бәясе төрле һәм балалар да тук күренә. Тик балаларның сәламәтлегенә мондый алмаштыру бик үк яхшы йогынты ясамый, өстәвенә, бу-закон бозу. Генпрокуратура белән бергә без мәгариф оешмалары буенча киң колачлы тикшерүләр уздырдык, хәзер акрынлап ачыкланган җитешсезлекләрне бетерәбез».

Владимир Путин, РФ Президенты: "Мин бу хакта әйткән идем инде, бу санитар табиблар ягыннан даими игътибар таләп итә торган нәзберек мәсьәлә, шуңа да карамастан, ата-аналар комитетларының туклануны оештыруга һәм аның сыйфатына үтемлелеге нигезле. Һәм моны ахырына кадәр җиткерергә кирәк".

Анна Кузнецова: «Әйе, бу бик яхшы механизм, өстәвенә, чын, нәтиҗәле механизм ул— ата-аналардан кергән кире элемтә".

Кузнецова билгеләп үткәнчә, төбәкләрдә Бала хокуклары буенча вәкаләтле вәкил каршындагы Әтиләр Советы башка ата-аналар оешмалары белән берлектә мондый фикерләр җыя.