Балаларга баллы ризыкларны күпме ашарга ярый?

«Совет матерей» иҗтимагый хәрәкәте җитәкчесе, врач-педиатр Татьяна Буцкая “АиФ”ка үзенең киңәшләрен биргән.
Баллы ризыклар гади углевод санала, алар тиз үзләштерелеп, кандагы шикәр күләмен тиз күтәрә. Тиз углеводлар организмны глюкозага баета, ул баш мие эшчәнлеге өчен кирәк. Әмма күп булганда, аллергия, симерү, кариес, шикәр авыруы китереп чыгарырга, бавыр һәм эчәклеккә дә тискәре тәэсир итәргә мөмкин. 3 яшькә кадәрге балаларга баллы әйберләр бирергә ярамый. Глюкоза баш миенә кирәк дип әйтүче әти-әниләр ялгыша. Макарон, ботка, җиләк-җимеш аларга кирәкле глюкозаны болай да бирә. 3-6 яшьлекләргә көненә 20 гр шикәр җитә. 7-11 яшьтә – 24 гр, 11-18 яшьтә – 30 гр.