Балык Бистәсе районында фаҗига булган

31 май көнне Балык Бистәсе районындагы җирле буада ир-атның гәүдәсен тапканнар. Бу хакта "Татар-информ" хәбәр итә. Шаһитләр әйтүенчә, мәетне "Дикое поле" авылы янындагы буада тапканнар. Беренчел мәгълүматлар буенча, ир-ат машинасы белән җирле буага төшеп киткән. Һәлакәт урынына ашыгыч хезмәт хезмәткәрләре килгән. Водолазлар ярдан ерак түгел ир-атның гәүдәсен тапканнар һәм аны полиция хезмәткәрләренә тапшырганнар.