#Кыскача яңалыклар 10 март 2020, 10:38

Балыкчылар Идел елгасында боз астына төшеп киткән

10 март 2020, 10:38

Өч ир-атның икесе судан үзләре боз өстенә чыккан. Әмма ярга кадәр бара алмаган, чөнки боз ярылган.

Скопировать ссылку

Балыкчылар Идел елгасында боз астына төшеп киткән

Өч ир-атның икесе судан үзләре боз өстенә чыккан. Әмма ярга кадәр бара алмаган, чөнки боз ярылган.

Татарстанда балыкчылар утырган мотоцикл Идел елгасында боз астына төшеп киткән. Зыян күрүчеләр ярга чыга алмаган. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтенә сылтама белән "Татар-информ" хәбәр итә.

9 мартта 9.17 сәгатьтә ашыгыч хезмәтнең 112 бердәм номерына республиканың Тәтеш районында Идел елгасында пристаньнан 300 метр ераклыкта балыкчылар утырган мотоцикла боз астына төшеп китүе турында хәбәр килгән. Өч ир-атның икесе судан үзләре боз өстенә чыккан. Әмма ярга кадәр бара алмаган, чөнки боз ярылган.

Кече суднолар буенча дәүләт инспекциясе инспекторлары зыян күрүчеләрне аэрочаналарда ярга чыгарган. Ир-атларга медицина ярдәме кирәк булмаган.

Кызыклы яңалыкларны күзәтеп бару өчен безнең МАХ каналына кушылыгыз.