#Кыскача яңалыклар 11 август 2018, 10:19

Башкортстанда авыл укытучылары өстәмә 200 мең сум алырга мөмкин

11 август 2018, 10:19

Башкортстанда республика башлыгы грантларыннан тыш, авыл укытучыларына конкурс буенча 200 мең сум күләмендә финанс ярдәме кертергә мөмкиннәр. Бу хакта “Башинформ” агентлыгы хәбәр итә.

Скопировать ссылку

Башкортстанда авыл укытучылары өстәмә 200 мең сум алырга мөмкин

Бүген Башкортстан мәктәпләре, ссузлары һәм вузларында 70 мең чамасы укытучы хезмәт куя. Алар өчен яңа “Киләчәк укытучысы” илкүләм проекты гамәлгә куела. Яңа проект профессиональ компетенция дәрәҗәсен ачыклау, яңа аттестация системасын кертү мөмкинлеге бирә.

Ведомство җитәкчесе Гөлназ Шафикова сүзләренчә, бүген төбәктә авыл җирлекләрендә укытучылар җитми. Быел министрлык Башкортстан Республикасы башлыгы грантларыннан тыш, авыл укытучылары өчен конкурс нигезендә 200 мең сум күләмендә финанс ярдәме кертергә тәкъдим итә. Бәйге беренче ел дәвамында яхшы нәтиҗәләргә ирешкән һәм алга таба эшләргә теләүчеләр өчен үткәреләчәк.

"Татар Информ"

фото - temakazan.ru

Кызыклы яңалыкларны күзәтеп бару өчен безнең МАХ каналына кушылыгыз.

#Башкортстан #укытучы