#Кыскача яңалыклар 21 октябрь 2020, 14:30

Башкортстанда яшәүче бер ир-ат балага узуын белгән

21 октябрь 2020, 14:30

Башкортстанда яшәүче бер иргә йөклелек диагнозы куйганнар. Аның көмәнле булуы турындагы язу авыру тарихында барлыкка килгән, дип хәбәр итә "Башинформ".

Скопировать ссылку

Күрше республикада яшәүче иргә Уфаның 21 нче хастаханәсендә шундый сәер диагноз куеп җибәргәннәр. Аңа шулай ук гинеколог консультациясе кирәк дип тә хәбәр иткәннәр. Социаль челтәрдәге үз сәхифәсендә ир-ат бу ваемсызлык яки игътибарсызлыкмы дигән сорау биргән һәм республика сәламәтлек саклау министрлыгына мөрәҗәгать итеп, әлеге хәлгә игътибар юнәлтүләрен сораган.
Башкортстанның Сәламәтлек саклау министрлыгында хәбәр итүләренчә, медицина учреждениесендә тикшерү уздырылган.

"Пациентның документларын рәсмиләштергәндә техник хата киткән. Мондый хилафлык җибәргән кешеләр ачыкланды һәм алга таба аларны булдырмау буенча тиешле эшләр башкарыла. Пациент белән әңгәмә үткәрдек, аның сорауларына аңлатмалар бирелде", - дип белдерә ведомство вәкилләре.

Кызыклы яңалыкларны күзәтеп бару өчен безнең МАХ каналына кушылыгыз.