Белгородта торак йортка ракета төшкән

Шәһәр мэры Антон Иванов шулай дип хәбәр итте.

«Губкин урамындагы 42Г йортының җимерелгән урыннары бар. Барлык хезмәтләр дә анда», – дип язды ул үзенең телеграм-каналында.

Төбәк губернаторы Вячеслав Гладков бу мәгълүматны раслады, зыян күрүчеләр турында әлегә бернәрсә дә билгеле булмавын әйтте. «Шулай ук снарядның шартламаган өлеше 32нче лицейның спорт мәйданчыгына төшүе турында да мәгълүмат килде», – дип өстәде ул.

Фаҗига урынында булучылар фотосурәтләр һәм видеолар урнаштыра, шәһәр өстендә ПВО эшли, дип яза «Татар-информ».