Бер атна эчендә Дәүләт Думасының сигез депутаты COVID-19 белән хастаханәгә озатылган

60тан артыгы антитәнчекләргә ия.
"Узган дүшәмбедә коронавирус ачыкланган 10 депутат хастаханәләргә озатылган иде. Бүген бу сан 18 булды. Сезгә дә бу хакта хәбәр итәм. Антитәнчекләргә ия булган авыручы, яисә авырып терелүче депутатлар бездә хәзер 60 исәпләнә", - диде Володин пленар утырышта.
"Тагын бер кат саклану чараларын, барлык таләпләрне үтәвегезне сорыйм", - дип мөрәҗәгать итте ул парламентарийларга.

"Дума структураларының бер өлеше дистанцион эш формасына китәчәк. Үтенеч: безгә килүчеләр саны шулай ук кыскартылсын, бик кирәк булганда гына һәм фракция лидерлары, комитет җитәкчеләре белән килешеп кенә башкарылсын иде», - диде спикер.

Фото: duma.gov.ru