Бер гаилә мәчеткә машина бүләк иткән

Иске Кәңгеш авылында беренче мәчет төзелүгә 140 ел тулу уңаеннан, Нәҗметдин ишан нәселеннән булган профессор Вил Мирзаянов гаиләсе авылда мәчет төзеткән. Төзелештә иң алдынгы заманча технологияләр кулланылган. Күптән түгел Мирзаяновлар мәчеткә яңа автомобиль алып биргән. Тирә-як авыллардан да, Иске Кәңгеш авылы картлары да мәчеткә текә автомобильдә йөри. Мәчеткә халык күпләп килә. Ул төбәктәге рухи тормышның үзәгенә әйләнеп бара.