#Кыскача яңалыклар 23 август 2020, 22:33

Берничә бала дус кызларын үтереп гәүдәсен елгада яшерергә тырышканнар

23 август 2020, 22:33

Уфада берничә бала сигез яшьлек кызны үтергәннәр һәм гәүдәсен елгага ыргытканнар. Бу хакта "Башкортостан" ДТРК хәбәр итә.

Скопировать ссылку

Журналистлар белдергәнчә, 22 августта Уфаның Черниковка районында сигез яшьлек кызның буылу эзләре булган гәүдәсе табылган. Мәетне елга яныннан үтеп баручылар тапкан.

Кыз алдагы көнне дуслары белән киткән җиреннән кайтмаган, һәм әнисе аның югалуы турында полициягә мөрәҗәгать иткән.

Хокук саклаучылар мәгълүматы буенча, уен барышында 13 яшьлек малай кызның йокы артериясенә баскан һәм ул үлгән. Аның дуслары куркып, кызның гәүдәсен елгада яшерергә уйлаганнар.

Яшүсмер үз гаебен таныган. Тикшерү бара.

Фото: http://pixabay.ru

Кызыклы яңалыкларны күзәтеп бару өчен безнең МАХ каналына кушылыгыз.

#Башкортстан #бала үлеме