#Кыскача яңалыклар 05 май 2020, 11:07

Бөгелмәдә үзизоляция вакытында эшләүче ике чәчәк кибете штрафка тартылган

05 май 2020, 11:07

Коронавируска каршы оператив штаб мәгьлүматларына караганда, 23 апрель көнне полиция хезмәткәрләре тарафыннан Бөгелмә шәһәрендәге Гафиатуллин урамы буенча чәчәк белән сату итүче ике кибет ачыкланган, алар үзчикләү режимы игьлан ителүгә карамастан, эшләүләрен дәвам иткән.

Скопировать ссылку

Бөгелмәдә үзизоляция вакытында эшләүче ике чәчәк кибете штрафка тартылган

Баксаң, сатып алучылар әлеге кибетләргә йөреп торган икән, ә бу исә, гамәлдәге санитар-эпидемиологик таләпләрне бозу, дигән сүз. Салон хуҗасы, шулай ук тикшерү вакытында ачыкланган икенче кибет сатучысы үз гаепләрен расладылар.

Хокук бозучыларны законда билгеләнгән җаваплылыкка тарту өчен полиция хезмәткәрләре тиешле материаллар әзерләгән. Шулай ук РФ Административ хокук бозулар турындагы кодексның 20.6.1 маддәсендәге 1нче өлеше буенча беркетмәләр төзелгән (халыкның санитар-эпидемиологик иминлеген тәэмин итү өлкәсендәге законнарны бозу).

Кызыклы яңалыкларны күзәтеп бару өчен безнең МАХ каналына кушылыгыз.

#карантин #Татарстан эчке эшләр министрлыгы #хокук саклау #коронавирус #мвд