Бүген Казанда транспорт хәрәкәте чикләнә

“Казан-Арена” стадионы янында юл 24 июньдә 17.00 сәгатьтән алып төнге сәгать 1.00 гә чаклы бикләнәчәк. Шәһәр хакимияте матч вакытында машина йөртүчеләргә җәмәгать транспортыннан файдаланырга киңәш итә. 
Транспорт хәрәкәте шәһәрнең урам-юл челтәренең  түбәндәге өлешләрендә чикләнәчәк:
- С. Хәким урамы, Ф.Әмирхан проспектыннан Чистай урамына чаклы;

- Чистай урамы, А.Бичурин урамыннан Ямашев проспектына чаклы;

- Чистай урамы, Ямашев проспектыннан Адоратский урамына чаклы;

- Ямашев проспекты, Адоратский урамыннан Себер трактына чаклы;

- Академик Арбузов урамы, Журналистлар урамыннан хәрәкәт иткәндә Журналистлар урамыннан Ямашев проспектына чаклы.

Илдар Мөхәммәтҗанов фотолары.