#Кыскача яңалыклар 27 гыйнвар 2019, 09:00

Биш кешелек бер гаилә Россия буенча 35 миллион сумга сәяхәт иткән

27 гыйнвар 2019, 09:00

Узган елны биш кешелек бер гаиләгә берничә көн шул бәягә төшкән. VIP-турга яшәү, ашау, юл, экскурсия программалары кергән, дип хәбәр итә Россия туроператорлар ассоциациясе. Бу иң кыйммәтле тур һәм аны кем сатып кайсы компаниядән сатып алуы турындагы мәгълүматны сер итепс аклыйлар.

Скопировать ссылку

Биш кешелек бер гаилә Россия буенча 35 миллион сумга сәяхәт иткән

Иң кыйммәтле турлар арасында икенче урында Төркиягә сәяхәт тора. Анысын өч кешелек гаилә ун милион сумга сатып алган. Алар биш йолдызлы кунакханәдә яшәгән, ашау белән экскурсияләр дә шуңа кергән. Ә менә юл өчен аерым түлгәннәр, ягъни ул ун миллион сумга кермәгән.

Өченче урында – өч кешегә Сардиниягә алынган юллама. Туристлар ун көнлек ялга 5 миллион да 522 мең су түләгән. Алар да юлга билетны аерым алган.

Ә менә рейтингта унөченче урынны алган сәяхәтнамәгә Петербург кешеләренең баруы билгеле. Алар Яңа елларны Гоа штатында үткәрү өчен биш кешелек гаиләгә 2 миллион да 290 мең сум түләргә кирәк булган.

Рейтингның соңгы урынында Россия шәһәрләре буенча круиз тора. Ике кеше 19 көнлек ялга 600 мең сум түләгән. Круиз вакытында алар Мәскәү, Углич, Мышкин, Ярославль, Кострома, Түбән Новгород, Казан, Самара, Волгоград, Әстерхан, Саратов, Ульяновск, Чебоксар һәм Рыбинск шәһәрләре белән танышкан.

Фото: enjourney.ru

Кызыклы яңалыкларны күзәтеп бару өчен Т елеграмга кушылыгыз.

#сәяхәт