Блюхер урамындагы йортны кайнар су баскан

Санаулы минутлар эчендә фатирлар кайнар су белән тула. Кешеләр кайнар суда аякларын пешерә-пешерә үз милкен коткарырга ташлана. Су астында калган ламинат, паркет идәннәрне торгызып булмаячак, көнкүреш техникасы да гамәлгә яраксыз. 

- Безнең бар киемебез, техника, су астында калды, - дип сөйләде шул йортта яшәүче Айгөл,- Безгә кем моның өчен компенсация бирер соң? Юк, әлбәттә, хәзер үз көчебез белән өйгә яңабаштан ремонт ясарга туры киләчәк.

Аның сүзләрен күршесе Илсөя ханым да куәтли. 
- Коммуналь хезмәтләрнең битарафсызлыгына шаккатабыз. Алар, иң беренче чиратта, безгә бу бәлабездә ярдәм итәргә тиешле, әмма бу каза килеп чыккач, без аларга шалтырата алмадык, чөнки трубканы алучы булмады, - ди ул. 

Йорттагы коммуналь бәла-казаны җиңәргә шуннан узып баручы авария хезмәте хезмәткәрләре ярдәм итә, алар суны тулысынча туктаталар да, китеп баралар.

Ә шуңа җаваплы "коммунальщиклар" авария урынына икенче көнне, ягьни 22 апрельдә генә килә. Идарә итүче компания хезмәткәрләре су үтүче торбаны тулысынча алыштырырга вәгъдә иткәннәр. Бөтен ремонт эшләре беткәч, өйгә су бирелгән. Әмма килгән зыянны каплау бу йортта яшәүчеләрнең үз җилкәләренә калачак.