Бу мобилизация түгел: ни өчен Владимир Путин Россия армиясенең штат санын арттыра

Армиядә хезмәт итүчеләр санын арттыру контракт буенча хәрби хезмәт узарга теләк белдерүче гражданнар хисабына узачак.

Бу карар күптән каралган: Владимир Путин Россия Кораллы көчләренең гомуми штат санын 2 миллион 389 мең кешегә кадәр арттырды. Аларның 1,5 миллионы — хәрбиләр. 

Дәүләт башлыгы указы 2024 елның 1 декабреннән үз көченә керә.

Безнең армия сафы миллион ярымлык булгач, ул сан буенча дөньяда 2 урынга чыгачак – Кытайдан соң (2,35 млн) һәм Һиндстанны (1,4 млн), АКШны (1,35 млн) һәм КХДРНЫ (1,35 млн) узып китәчәк.

Соңгы тапкыр президент Кораллы Көчләр штатын 2023 елның декабрендә арттырды. Ул вакытта - 170 меңгә якын кеше армиягә кабул ителде.

Россия Оборона министрлыгында аңлатуларынча, аларның санын арттыру контракт буенча хәрби хезмәт узарга теләк белдергән гражданнар хисабына узачак.