Буранда адашкан бала вакыйгасында закон бозу очраклары ачыкланса, тиешле гамәлләр күреләчәк

Татарстанда бала хокукларын яклау буенча вәкәләтле вәкил Гүзәл Удачина:
- Әлеге бала белән бәйле вакыйга буенча хәзер тикшерү эшләре бара. Шәхсән үзем Яшел Үзәнгә барып малайның әтисе, туганнары белән аралашырга, баланың үзен күреп сөйләшергә җыенам. Гаиләнең нинди шартларда яшәгәнен күрергә, ни өчен мондый хәл килеп чыкканын аңларга телим. Әгәр закон бозу очраклары ачыкланса, тиешле гамәлләр күреләчәк. Әлегә болар хакында сөйләшергә иртәрәк. Иң мөһиме - вакыйга фаҗигале тәмамланмады, бала исән-сау, шөкер.