#Кыскача яңалыклар 20 февраль 2017, 06:21

Быел Татарстан китап нәшрияты дәүләт хисабына 117 китап чыгарачак

20 февраль 2017, 06:21

Быел Татарстан китап нәшрияты дәүләт субсидиясе белән 117 китап бастырып чыгарачак. Аның яңа гына унберенчесе - Һади Такташ шигырьләре басылып чыккан. Бу хакта нәшрият директоры Илдар Сәгъдәтшин үзе хәбәр итте.

Скопировать ссылку

"Дәүләт хисабына чыгарылган китапларның 75 проценты республикадагы китапханәләргә таратыла, 10 проценты Бөтендөнья татар конгрессы аша чит төбәкләрдәге татарларга бирелә. Барлык тиражның 15 процентын сатуга чыгарабыз", - дип аңлатып үтте Илдар Сәгъдәтшин.

Шунысы да игътибарга лаек: китаплар сатуга үзкыйммәтеннән арзанрак бәядә чыгарылачак. Әйтик, бастырып чыгару 100 сум булса, аны 80 сумга сатарга мөмкин. Чөнки дәүләт субсидиясе белән чыгарылгач, бу очракта табыш алу максаты куелмый, нәшриятның төп максаты - китапны халыкка җиткерү.

^{"Татар-информ"}

«Шәһри Казан»га Telegramда язылыгыз

Кызыклы яңалыкларны күзәтеп бару өчен безнең МАХ каналына кушылыгыз.