Чаллы-Сарман юлындагы авариядә өч балалы гаилә зыян күргән

Чит ил машинасы «Лада Ларгус»ка килеп бәрелгән һәм шуннан соң трассадан кюветка төшеп киткән. Көчле бәрелүдән соң «Лада» корпусының ян өлеше җитди зыян күргән, ә Toyota машинасының алгы өлеше җимерелгән.

«Татар-информ»га Автошәһәрдән үз хәбәрчесе Валентин Кулагин хәбәр иткәнчә, юл-транспорт һәлакәтендә «Лада» салонындагы өч бала һәм аларның әти-әниләре зыян күргән. Икенче машинада шулай ук ике бала булган, әмма авариядә алар бернинди имгәнүләр дә алмаган.

Чыганак: "Татар-информ"