Чаллыда бер егет Яңа ел төнендә катып үлгән

21 яшьлек егет дуслары белән клубка барган. Шуннан аның турында беркем берни белмәгән. Әти-әнисе, уллары кайтмагач, полициягә мөрәҗәгать иткән. Бәйрәмдә салып алган егет өйгә җәяү кайтып киткән һәм юлда егылып, торып китә алмаган. Аның гәүдәсен табып алганда, телефоны янәшәсендә булган. Экспертиза күрсәткәнчә, егет өшеп үлгән, дип яза "Татар-информ".