Чаллы укучысы немец хип-хоп биючесе белән килешү төзегән

Чаллыдан 11нче сыйныф укучысы Ренат Закиров музыка, бию, видеомонтажлар ясау белән мавыга. Аның бу кызыксынуларын чит ил музыкантлары да бәяләгән. Ренат танылган немец хип-хоп биючесе Majid Kessab белән килешү төзергә дә өлгергән. Ренат 13 яшеннән бию белән шөгыльләнә. Соңрак музыкаль композицияләр иҗат итә башлый. Ләкин болар белән генә чикләнеп калмыйча, видеомонтаж серләренә дә өйрәнә. Шул рәвешле мәктәптә укыган чакта ук ул ярыйсы гына акча эшли. Хәзер Ренат өчен иң мөһиме чыгарылыш имтиханнары, ул ныклап БДИга әзерләнә.