Чиләбедә “Татар кызы”н сайлыйлар

Конкурста җиңүче Бөтенроссия бәйгесендә Көньяк Урал вәкиле буларак катнашачак.

Төбәкнең төрле районнарыннан килгән 12 туташ, апрель аенда кастинг үткәннән соң, иң шәп татар кызы исеме өчен көрәшә. Чиләбе татарлары конгрессы тарафыннан оештырылган бәйгедә гүзәл затлар өчен бик күп сынаулар әзерләнгән.

Оештыручылар әйтүенчә, бәйгенең финал өлеше чып-чын шоу булачак. Анда "Голос. Дети" проектының финал өлешенә чыккан яшь йолдыз Сәйдә Мөхәммәтҗанова да чыгыш ясаячак.