Чулпан Йосыпова күптәнге хыялын тормышка ашырган

Танылган җырчы күптән түгел генә икенче тапкыр әни булды. Шуңа да карамастан, Чулпан өйдә тик ятмый. Әле челтәрле бизнес белән шөгыльләнә, әле чыгышлар ясый.

Ә бу көннәрдә ул күптәнге хыялын тормышка ашырган : күлмәкләр кибетен ачып җибәргән. Күлмәкләрне сатып, яисә прокатка алырга мөмкин. Җырчы аларны Төркиядән кайтарта.

"3-4 ел элек эшләнәсе әйбер иде бу. Бүген ниһаять күптәнге хыялым чынга аша. Кечкенәдән матур күлмәкләр яраттым, сезне дә сөендерәсем килә. Төркиядән алып кайткан күлмәкләр сатуда һәм прокатка", - дип хәбәр итә Чулпан Йосыпова социаль челтәрдә.