#Кыскача яңалыклар 17 март 2022, 10:37

Чын "яз" кайчан киләчәк?

17 март 2022, 10:37

Чын «яз» җитүен, ягъни уртача тәүлеклек температураның нуль билгесенә күчүен һәм көннәр җылыта башлавын 20 мартларда көтәргә кирәк.

Скопировать ссылку

«Метео» фаразлау үзәге җитәкчесе Александр Шувалов Sputnik радиосына биргән интервьюсында шулай дип белдерде.

«Якшәмбедә көндезге температура +6..+11 градуска кадәр күтәрелергә мөмкин. 20 мартларда тәүлеклек уртача температура 0 градус аша үтәчәк, һәм метеорологик яз башлануын билгеләп үтә алачакбыз. Аяз, кояшлы һава торышы сакланачак, төнлә -5-6 градус суык булса, көндез +6..+11 градуска кадәр җылытачак», - диде белгеч.

Аның сүзләренчә, салкын һава торышының болытлы һәм явым-төшемле һава торышына алышынуын да 22-23 мартта көтәргә кирәк.

Шувалов билгеләп үткәнчә, бу атнада Россиянең Европа территориясенең Үзәк өлешендә ялларга кадәр антициклон хакимлек итәчәк.

«Димәк, көн аяз булачак, төнлә һәм көндез температурада көчле үзгәрешләр көтелә. Мондый һава торышы ялларга кадәр сакланачак», - дип искәртте метеоролог.

Элегрәк синоптиклар бу атнада Татарстанда җылытачагы хакында хәбәр иткән иде.

Чыганак

Кызыклы яңалыкларны күзәтеп бару өчен безнең МАХ каналына кушылыгыз.