#Кыскача яңалыклар 31 май 2017, 11:07

Cиноптиклар «Мәскәү» гарасатының Татарстанда кабатлануы хакындагы кисәтүне кире какты

31 май 2017, 11:07

Татарстан Гидрометеорология һәм әйләнә-тирә мохитне күзәтү идарәсе Татарстан территориясенә Мәскәүдә 28 һәм 29 май көннәрендә үткән гарасат якынлашуы турындагы социаль челтәрләрдәге SMS- һәм кисәтү интернет-хәбәрләрен кире какты. "Татар-информ"га Татарстан Гидрометеорология һәм әйләнә-тирә мохитне күзәтү идарәсе җитәкчесе Феликс Гоголь аңлатуынча, 1 июньдә республикада давыл көтеләчәге турында кисәтү булган, әмма ул Мәскәүдә...

Скопировать ссылку

Татарстанда 1 июньдә 10 нан 22 сәгатькә кадәр өермәле җил булуы турында кисәтү рәсми рәвештә җиткерелә: урыны белән яшенле көчле яңгыр, боз явуы, секундына 18 - 23 метрга кадәр өермәле җил көтелә.

Искәртеп үтик, республика халкына Татарстан территориясенә якынлашып килүче гарасат турында SMS-хәбәрләр һәм кисәтүләр таратыла башлады. Әмма Татарстан Гидрометеорология һәм әйләнә-тирә мохитне күзәтү идарәсе җитәкчесе бу хәбәрләрне кире какты.

"Мондый СМС-хәбәрләрне таратуны кем оештыргандыр - белмибез. Көне буе матбугат чараларында да, социаль челтәрләрдә дә шау-шу. Ниндидер тузга язмаган хәбәрләр таратыла... Бүген төнлә берни дә булмаячак, ә менә иртәгә давыл турында кисәтелә, әмма ул Мәскәүдәге кебек көчле булмаячак. Бу иртәгә көннең икенче яртысы һәм кич көтелә, көнбатыш районнарда иртәрәк башлануы ихтимал, әмма, нигездә, процесс көннең икенче яртысында башланачак", - диде Феликс Гоголь.