#Кыскача яңалыклар 01 июнь 2022, 13:50

Дельтаплан пилоты фаҗигадә һәлак булган

01 июнь 2022, 13:50

Бүген көндезге унбердә Татарстанның Алабуга районы Илмәт авылы янында дельтапланның җиргә каты төшеп утыруы хакында хәбәр килгән.

Скопировать ссылку

«Яңа Юраш» крестьян-фермер хуҗалыгы карамагындагы дельтаплан кырларны гербицид белән эшкәрткән.

Нәтиҗәдә, 66 яшьлек пилот һәлак булган, дельтаплан тулысынча ватылган. Фаҗиганең сәбәпләре ачыклана. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Россия Тикшерү комитетының Үзәк төбәкара транспортта тикшерү идарәсе матбугат хезмәтендә искәртүләренчә, әлеге факт буенча тикшерү башланган. Тикшерүчеләр фаҗига булган һәм дельтаплан һавага күтәрелгән урынны карый.

Фаҗига маневр ясаган вакытта очкыч белән идарә итүдә хата җибәрү, техника эшендә тоткарлык барлыкка килү яки начар һава шартлары аркасында килеп чыккан дип фаразлана.

Чыганак

Кызыклы яңалыкларны күзәтеп бару өчен Т елеграмга кушылыгыз.