Державин паркы булачак

Киләсе елда Сокура авылында яшәүчеләр, якташлары - билгеле дәүләт эшлеклесе, шагыйрь һәм мәгърифәтче Гавриил Державин вафатына 200 ел тулу уңаеннан, Державин исемендәге парк булдырырга һәм аңа һәйкәл куярга уйлый. Сокурада Державиннарның нәселдән килгән утары булган, ә эшмәкәр Юрий Чаплыгин реставрацияләгән чиркәүдә шагыйрьнең әти-әнисе дини йола буенча мөнәсәбәтләрен теркәткән.