#Кыскача яңалыклар 20 февраль 2017, 12:17

Дөнья чемпионатында Россия гимнын бутаганнар (ВИДЕО)

20 февраль 2017, 12:17

Биатлон буенча Россия командасы шушы көннәрдә дөнья чемпионатында алтын медаль яулады. Бүләкләү тантанасында оештыручылар Россия гимны урынына иске Россия гимнын куйган (М.И. Глинка көе, 1990-2000 еллар). Башка гимн ишеткән спортчылар, җанатарлар аптырашта калган.

Скопировать ссылку

Сәхнәгә комментатор Дмитрий Губерниев йөгереп менеп, безнең командага микрофон бирергә мәҗбүр булган хәтта. Егетләр зал белән бергә гимны үзләре җырлаган. Соңыннан Россия гимнын шулай да яңгыратканнар, дип яза "Әлмәт таңнары".

Күптән түгел генә Россия гимны белән килеп чыккан бер хәл турында язган идек инде. Ул чакта җырчы кыз гимнны башкара алмыйча, оятка калган иде.