#Кыскача яңалыклар 19 гыйнвар 2018, 10:47

Дәрес вакытында яшүсмерләр укытучыга һәм укучыларга балта белән һөҗүм иткән (ФОТО, ВИДЕО)

19 гыйнвар 2018, 10:47

Бурятия башкаласы Улан-Удэ мәктәпләренең берсендә балта белән коралланган яшүсмер биш кешене җәрәхәтләгән, шуларның өчесе авыр хәлдә, дип хәбәр итә ТАСС.

Скопировать ссылку

Дәрес вакытында яшүсмерләр укытучыга һәм укучыларга балта белән һөҗүм иткән (ФОТО, ВИДЕО)

Җирле вакыт белән 9:35 сәгатьтә Улан-Удэның Сосновый Бор бистәсе мәктәбенә өч яшүсмер килеп керә. Бина эченә кергәч битлекләр кияләр, рус теле һәм әдәбияты кабинетына яндыргыч сыекча салынган шешә ташлыйлар. Кабинетта бу вакытта 7 нче сыйныф укучылары була. Бурятия хөкүмәтенең матбугат хезмәте хәбәр итүенчә, укучылар һәм укытучы кабинеттан чыга башлагач, битлекле яшүсмерләр аларга тән җәрәхәтләре ясый.

Хастаханәгә дүрт кеше озатылган, шуларның өчесе - 7 нче сыйныф укучылары. Һөҗүм итүчеләрнең дә берсе яраланган, ул сак астында медицина учреждениесына китерелгән. Аның ике иптәшен эзләү дәвам итә.