#Кыскача яңалыклар 28 август 2023, 16:45

 ДЦП белән авыручы балага баскычтан төшәргә ярдәм итмәгән прокурорларны эштән читләштерделәр

28 август 2023, 16:45

Татарстан Прокуроры Илдус Нәфыйков үзәк аппарат прокурорын һәм район прокуратурасыннан ярдәмчене эштән читләштерде.

Скопировать ссылку

14 яшьлек малайның әнисе соиаль челтәрләрдә йөрәкне әрнетүче кадрлар урнаштырды. Хатын-кыз торак бүлеп бирү өчен Казан Башкарма комитеты белән судлаша, утырышка авыру баланы да килергә мәҗбүр иткәннәр. Кадрлардан күренгәнчә, 14 яшьлек Кирилл район суды бинасындагы баскычлардан шуышып төшәргә мәҗбүр, чөнки бинада коляска өчен лифт юк.

Баланың әнисе әйтүенчә, суд хезмәткәрләреннән дә, прокурорлардан да ярдәм булмаган. Утырыш көнендә эшләгән суд приставларыннан да сорау алына.

Кызыклы яңалыкларны күзәтеп бару өчен безнең МАХ каналына кушылыгыз.