#Кыскача яңалыклар 21 апрель 2017, 05:00

Эчкечеләрнең саны азайган

21 апрель 2017, 05:00

Роспотребнадзор 2016 елда алкоголь һәм тәмәке кулланучыларның саны азаюын хәбәр итә. Беренче тапкыр «Алкоголизм» диагнозы куелучыларның саны - 36 процентка, алкоголизм белән чирләүчеләрнең саны 24 процентка кимегән.

Скопировать ссылку

Тәмәке тартучыларның сафы да кимүгә таба бара. Андыйларның саны 39 процентка ким булып чыккан. 2009 ел белән чагыштырганда, Россия халкы өч тапкырга азрак эчә икән. 2016 елда аракыны бер кеше елына якынча 10 литрдан артыграк эчсә, алты ел элек бу сан 15 литр булган.

Резеда Хәева, нарколог:
- Татарстанның күп кенә министрлыклары һәм ведомстволары алкоголизмны кисәтү буенча зур эшләр алып бара. Бу дәүләт программасында да каралган. Аның максаты - кешедә үзенең сәламәтлегенә кайгыртучан караш булдыру, актив сәламәт яшәү рәвешен пропагандалау. Яшьләр дә сәламәт яшәү рәвеше алып баруга һәм физик активлыкка игътибар итә башлады.