Элвин Грейның хатыны күченергә җыенуларын әйткән

Элвин Грейның хатыны Инзилә инстаграм сәхифәсендә күченергә җыенуларын хәбәр иткән, дип яза ufa.kp.ru. Яшь гаиләнең кайда яшәячәге әлегә билгесез. Соңгы вакытта җырчы Элвин Грей ике шәһәрдә: Казан белән Уфада яши. Хатыны Инзилә инстаграмда аз күренүен күченер алдыннан әйберләрне җыюы белән аңлаткан. Бөтен бүлмәм тартмалар белән тулган, дип сөйләгән ул. Мине югалтмагыз, без күченәбез, дип тә өстәгән.