#Кыскача яңалыклар 30 март 2020, 17:35

Европадан кайткан Казан блогершасы карантинда утырмыйча, косметика алыр өчен сәүдә үзәгенә барган

30 март 2020, 17:35

Бу хакта«Реальное время» басмасы яза.

Скопировать ссылку

Европадан кайткан Казан блогершасы карантинда утырмыйча, косметика алыр өчен сәүдә үзәгенә барган

Бу хакта«Реальное время» басмасы яза.

Күптән түгел Будапешттан кайткан Казан бьюти-блогершасы Лилия Абдулаева карантин режимын бозып, косметикага реклама төшерү өчен сәүдә үзәгенә киткән. Бу хакта ул үзенең Инстаграм сәхифәсендә хәбәр итә.

"Карантин бозылды, гафу итегез, идеаль кешеләр. Мине эш чакырды, кичектереп торырга ярамый иде ", - дип, кыз үз автомобилендә утырган килеш сториз яздырган.

Кичектергесез эшләр - сәүдә үзәгендә сатылучы косметикага реклама төшерү булып чыккан. Соңрак, кыз рекламалаучы язмаларын бастырып та чыгарган. Кибеттә ул тестерларга да кагылган икән.

Социаль челтәрдән кулланучылар моны күргәч, аңа төрле тәнкыйть сүзләре язалар. Моңа каршы җавап итеп, бу бьюти - блогер тәнкыйтьчеләргә «үз фикерләрен үзләре белән калдырырга» киңәш итеп яңа сториз яздырган.

Фото: социаль челтәрләрдән

Кызыклы яңалыкларны күзәтеп бару өчен безнең МАХ каналына кушылыгыз.

#короновирус