#Кыскача яңалыклар 28 май 2019, 14:11

Федераль Сабан туенда быел да автомобиль уйнатыла

28 май 2019, 14:11

Новосибирск шәһәрендә узачак Федераль Сабан туенда көрәштә батыр калучыга быел да тәкә һәм автомобиль бүләк ителәчәк, дип хәбәр итә Бөтендөнья татар конгрессы сайты.

Скопировать ссылку

Федераль Сабан туе, елдагыча, Татарстан хакимияте ярдәме белән уздырыла. Бәйрәм үтәчәк мәйданда кунаклар авыл йортын, таш мичле авыл мунчасын күрә алачак. Аларны һәм кирәкле җиһазларны Татарстаннан дүрт йөк машинасына төяп озатканнар.

Бәйрәм чаралары 8 июньдә башлана. Ул көнне Новосибирск ипподромы территориясендә ат чабышы һәм авыл хуҗалыгы ярминкәсе оештырыла. Бәйрәмнең төп өлеше 9 июньдә була. Күңел ачу чаралары Михайлов исемендәге мәдәният һәм ял паркында дәвам итәчәк. Яр буенда «Татар утары»нда таш мичле мунча һәм өй, сарай гына түгел, каз-үрдәкләр, тавык-чебешләр, сыер да булачак, диелә хәбәрдә.

Кызыклы яңалыкларны күзәтеп бару өчен безнең МАХ каналына кушылыгыз.

#автомобиль #Федераль Сабан туе #Новосибирск