Физкультура дәресенә чаңгы алып килмәгәнгә «икеле» кую дөресме?

Кызыма мәктәптән физкультура дәресенә чаңгылар алып килергә кушканнар. Алып килмәсәгез, «икеле» куябыз, дигәннәр. Чаңгысы булмаганга, кызыма «өчле» куеп кайтарганнар. Без чаңгылар сатып алыр­га тиешме һәм укытучының «икеле» куярга хакы бармы?

Исемемне күрсәтәсем килми, Казан.

Гөлнара Габдрахманова, Татарстанның мәгариф һәм фән министры урынбасары - мәгариф өлкәсендә күзәтүчелек һәм контроль департаменты җитәкчесе:
- Укучыларны чаңгы белән тәэмин итү мәктәп компетенциясенә керә. Чаңгысы булмаган өчен педагогның укучыга «икеле» куярга хакы юк.