Габдулла Тукайның шәхси әйберләрен күрәсең киләме?

15-нче апрельдә Габдулла Тукайның әдәби музеенда Төп нөсхә көне узачак. Бу чара - "Ядкарьләрдә - Тукай рухы" дип атала. Биредә Габдулла Тукай фоторәсемнәренең төп нөсхәләре һәм Татарстан Милли музее фондыннан алынган шәхси әйберләре, республиканың Милли архив фондыннан алынган шагыйрьнең кулъязмалары һәм документлары, шулай ук Тукайның басмалары күрсәтеләчәк. Шулай ук бу чарада гомуми белем бирү учрежениеләре укучылары арасында уздырылган "Ядкарьләрдә - Тукай рухы" әдәби иҗат бәйгесендә җиңүчеләрне бүләкләү тантанасы да булачак. Төп нөсхә көне 14.00 сәгатьтә башлана.