Әгерҗедә "Созвездие-Йолдызлык" республика фестиваленең зона туры узачак

13-14 мартта Әгерҗегә "СОЗВЕЗДИЕ"-"ЙОЛДЫЗЛЫК" республика фестиваленең зона турына Актаныш, Минзәлә, Мөслим районнарыннан 500дән артык талантлы яшьләр җыела. Әлеге фестиваль быел 15нче тапкыр үткәрелсә дә, Әгерҗедә зона туры әле беренче генә мәртәбә уза. Чара Җиңүнең 70 еллыгына багышлана.

Әгерҗе районы башкарма комитеты җитәкчесе Римма Гыйльметдинова әйтүенчә, балаларның сәләтен бәяләргә Казаннан да дәрәҗәле жюрилар киләчәк, бәйгегә әгерҗелеләр бик ныклап әзерләнгәннәр, 300 мең сумга күз явын алырдай сәхнә костюмнары тектергәннәр.