Гөлназ Сәфәрованың энесен мобилизацияләгәннәр: "Йөрәгем әрни..."

"Троюродный энекәшне мобилизацияләделәр. Хәзер сугышка китәргә әзерлиләр... Аның янына полигонга бардык, кич монда туганнарны кертәләр икән. Мондагы кеше, мондагы яшьләр, Татарстанның төрле районнарыннан балаларын күрергә дип килгән ата-аналар. Куркыныч... Пычрак... Пакет-пакет күтәреп егетләрнең туганнары агыла. Капка янына гына чыгаралар. Кайберәүләре янына кечкенә балалары да килгән, әтиләренең муеннарына ябышканнар, сагынышканнары күренеп тора... Йөрәгем әрни... Үзеннән-үзе күзгә яшьләр тыгылды! Елата... Исән-сау гына әйләнеп кайтсыннар иде, Яраббым", - дип язган Гөлназ.