Гөлүсә Шаһбан: "Мин беркемгә дә ышанмыйм"

"Һәр кешенең башында тараканнары, ә минем чебен. Миемә чебен керсә, тыңгылык бирми инде менә. Бик принципиаль кеше мин, максатчан, гаделлекне яратам... Үлеп икейөзлелекне, куштаннарны яратмыйм. Мин андый кешене ерактан таныйм.

Минем күңелемә кереп утыра икән бер уй, тыңгылык бетә... Үземә дә, тирә-юньдәгеләргә дә... И тотына хыялый Гөлүсәнең идеяләре... Очы-чиге юк... Иң мөһиме - азагы нәкъ мин теләгәнчә тәмамлана. Чөнки мин беркемгә дә ышанмыйм. Бары тик Аллаһка тапшырам. "Раббым, шул кешенең күңеленә игелек сал", "Раббым, ул кешегә изгелек эшләр өчен мөмкинлекләр, саулыгын, сәламәтлеген бир", "Раббым, күңелләргә тынычлык иңдер", "Раббым, Закирның да күңеленә эшләргә дәрт-дәрман бир", - дип сорыйм. Кешенең күңеле сүрелсә, берни эшлисе килми. Ә күңел ничә яшьтә булса да, гел үсеп торырга һәм шуңа сәбәп булып торырга тиеш. Алда күпме планнар Аллаһы боерса. Эшләргә насыйп итсен.

Җирдә яшәү рәхәт хәтта
Без уйлаганнан да бик күпкә..
Гөлгә үреләм дип көтмәгәндә
Юлыксак та әгәр без чүпкә

дип язган ГӨЛҮСӘ ШАХБАН ҮЗЕ", - дип язып куйган Гөлүсә.