Гөлназ Сәфәрова хейтерына җавап бирде

Гөлназ Сәфәровага социаль челтәрдә язылучысы ризасызлык белдергән: “Рамазан аенда нинди ял. Үзең сәхәр, ураза дип сөйләгән буласың”, – дип язган берәү. Бу сүзләргә танылган алып баручы үз фикерен белдергән.

Рамазан ае вакытында мөселман илләренә сәяхәт кылу иң рәхәт сәяхәтләрнең берсе. Ни өчен сәяхәт белән Ураза тоту бергә була алмасын?! Киресенчә, Мин Рамазан аенда менә шундый сәяхәтләргә чыгып китәргә яратам. Мөселман илләрендә бик күп кеше Ураза тота – бергә-бергә тоту җиңелрәк тә, күңеллерәк тә. Намаз вакытларында бергә мәчетләргә керү, бергә авыз ачу - бик күңелле. Төркиядә күп рестораннарда Ифтар менюлар каралган. Узган ел мин Рамазан аенда Дубайга барган идем. Анда да Ураза тоту бииик ошады, һәр Ифтарны зур бәйрәм итеп үткәрәләр иде, – дип җавап кайтарган алып баручы.